Бишкек, 27.12.18. /Кабар/. Мамлекеттик айыптоочу КСДП партиясынын мурунку депутаты Музаффар Исаковду мүлкүн конфискациялоо менен 12 жылга соттоону суранган. Бул тууралуу “Кабар” агенттигине Башкы прокуратуранын басма сөз кызматынан кабарлашты.
Маалыматка ылайык, Жалал-Абад облусунун Сузак районунда депутаттын иши боюнча соттук процесс болуп өткөн.
Жыйын учурунда прокурор Исаковду күнөөлүү деп таап, тиешелүү чара көрүүнү суранган.
Эске сала кетсек, Музаффар Исаков Сузак районунун Таш-Булак айыл өкмөтүнүн башчысы кызматын ээлеген кезде коорупция жасаган деп айыпталууда.
Тергөөдө маалым болгондой, Исаков айыл-чарба үчүн колдонууга ылайыкташтырылган жерлерди жеке курулуш үчүн мыйзамсыз берип койгон. Аталган кылмыш иши боюнча дагы 8 адамга айып коюлган.
Пикир
Оставить комментарий