Бишкек, 21.03.22. /Кабар/. Нооруз майрамы Ысык-Көл облусунда салтанаттуу белгиленип жатат. Бул тууралуу президенттин облустагы өкүлчүлүгү билдирет.
Маалыматка ылайык, Каракол шаарынын Ч.Айтматов атындагы борбордук аянтында театрлаштырылган иш-чара болуп, маданият өкүлдөрү элге жаркын маанай тартуулашты.
Майрамдык иш-чарага КР Мамлекеттик катчысы Сүйүнбек Касмамбетов катышып, касиеттүү Ысык-Көлдүн элин Нооруз майрамы менен куттуктады.
“Ылайым бизге жакшылык жанашып, жамандык адашып, көлдүн жээгин ырыс-кешик талашып, бакыт-таалай, ынтымак болсун! Сиздерге чың ден соолук каалайм, Нооруз майрамы жакшылыктарды алып келсин, элибизде тынчтык болсун”, - деди Касмамбетов.
Облус жетекчиси Алтынбек Сулайманов элди токчулуктун, мол түшүмдүн, ырыскынын башаты болгон Нооруз майрамы менен куттуктап, элибизге ынтымак, биримдик, жерибизге молчулук жана береке каалады.
Майрам кол өнөрчүлүк жана тамак-аш жарманкеси менен коштолууда.
Пикир
Оставить комментарий