Бишкек, 24.09.20. /Кабар/. Транспорт жана жолдор министрлигинде кечээ, 23-сентябрда Мамлекеттик тил күнүнө карата жыйын өттү. Бул тууралуу аталган министрликтин маалымат кызматы билдирди.
Жыйында Кыргыз-Россия славян университетинин профессору Аттокур Жапанов лекция окуду. Аталган лекцияга министрликтин жетекчилери жана министрликтин алдындагы мекеме-ишканалардын кызматкерлери катышты.
Лекция учурунда кыргыз тилинин байлыгы, байыркы тил экени тууралуу айтылды. Мамлекеттик тил күнүнѳ арналган иш-чарада Жапанов эне тилди өнүктүрүүгө, колдоого жана ошондой эле министрликте болгон иш кагаздарын кыргыз тилинде жүргүзүүнү сунуштады. Ошондой эле жаш муундарды тарбиялоодогу өзгөчө ролу бар экендигин айтып өтүштү.
Пикир
Оставить комментарий