Бишкек, 10.02.22. /Кабар/. 2022-жылдын 9-февралында президенттин Ысык-Көл облусундагы ыйгарым укуктуу өкүлү Мирбек Кожоев «Манас» жана «Ысык-Көл» эл аралык аэропортторунун бир катар кызматкерлерин Ардак грамота жана Ыраазычылык баракчалары менен сыйлады. Бул тууралуу "Манас" аэропортунун басма сөз кызматы билдирет.
«Мен «Манас» жана «Ысык-Көл» аэропортторунун кызматкерлерине эрдик эмгеги үчүн ыраазычылык билдирем. 2021-жылы жогорку даражадагы жана чет элдик коноктордун катышуусунда көптөгөн иш-чараларды өткөрдүк. Аэропорттун кызматкерлери күнү-түнү аба ырайынын шартына карабай өздөрүнүн кесипкөйлүгүн көрсөтүп, милдеттерин аткарышты», - деп билдирди Мирбек Кожоев.
Өлкөнүн социалдык-экономикалык өнүгүүсүнө жигердүү салым кошуп, көп жылдык үзүрлүү эмгеги, өзүлөрүнө жүктөлгөн милдеттерди так аткаргандыгы үчүн КР президентинин Ысык-Көл облусундагы ыйгарым укуктуу өкүлүнүн Ардак грамотасы менен сыйланат:
- Аскарбеков Жеңишбек – «Манас» эл аралык аэропорту» ААКнын авиациялык коопсуздук кызматынын башчысы;
- Абдрахманов Алмаз Жумабекович – «Ысык-Көл» эл аралык аэропортунун директору;
- Устабаев Бактыбек – «Ысык-Көл» эл аралык аэропортунун директорунун орун басары;
- Самудинов Кубат – «Ысык-Көл» эл аралык аэропортунун авиациялык коопсуздук кызматынын башчысы;
- Рахманалиев Айбек – «Манас» эл аралык аэропорту» ААКнын авиациялык коопсуздук кызматынын башчысы;
- Шеров Давран – «Манас» эл аралык аэропорту» ААКнын периметрдик кызматынын айдоочусу.
КР президентинин Ысык-Көл облусундагы ыйгарым укуктуу өкүлүнүн Алкыш баракчасы менен сыйлансын:
- Абдурасулов Бактыбек – «Ысык-Көл» эл аралык аэропортунун атайын автоунаалардын айдоочусу;
- Майчинова Гүлайым – «Ысык-Көл» эл аралык аэропортунун жүргүнчүлөрдү аба ташуу кызматынын агенти;
- Якубова Шахноза – «Ысык-Көл» эл аралык аэропортунун тазалоочусу;
- Асанова Гүлзат – «Ысык-Көл» эл аралык аэропортунун атайын көзөмөлдөө кызматынын инспектору;
- Мамбетжанова Мираида - «Ысык-Көл» эл аралык аэропортунун атайын көзөмөлдөө кызматынын инспектору.
Пикир
Оставить комментарий