Марипов Улуттук банк Экономика жана финансы министрлигине кошулбай тургандыгын айтты

Бишкек, 02.02.21. /Кабар/. Премьер-министрлик кызматына талапкер Улукбек Марипов Улуттук банк Экономика жана финансы министрлигинин карамагына берилет деген маалыматты төгүндөдү.

Конституциялык мыйзам, мамлекеттик түзүлүш, сот-укуктук маселелер жана ЖКнын регламенти боюнча комитеттин жыйынында депутат Тариель Жоробеков социалдык желелерде Улуттук банкты Экономика жана финансы министрлигине, ал эми Мамлекеттик кадр кызматын Билим берүү министрлигине кошуу тууралуу маалымат пайда болгонун айтты.

Улукбек Марипов Улуттук банк конституциялык орган болуп саналат жана өкмөттүн курамына кирбейт деп жооп берди.

Ал эми Мамлекеттик кадр кызматы президенттин карамагында турат деген Марипов расмий маалыматтарга гана ишенүүгө чакырды.