Бишкек, 20.04.21. /Кабар/. Милициянын кайгуул кызматкерлери колун кесип алган 3 жаштагы баланы ооруканага жеткиришти.
Милициянын кайгуул кызматынан билдиришкендей, 20-апрелде саат 17:00дөр чамасында Байтик Баатыр жана Медеров көчөлөрүнүн кесилишинен болжол менен жашы 20-25 курактагы кыз кайгуул кызматкерлеринен жардам сурап кайрылган.
Анда 3 жаштагы иниси кокусунан колун кесип алгандыгын айтып, эртерээк ооруканага жеткирип коюусун өтүнгөн.
Кайгуул кызматкерлери жаш баланы эжеси менен кошо кызматтык унаага отургузуп, №3 балдардын ооруканасына жеткиришкен.
Пикир
Оставить комментарий