Бишкек, 28.11.22. /Адил Төлөгөнов - Кабар/. Билим берүү жана илим министри Уланбек Мамбетакунов түз эфирде жарандардын суроолоруна жооп берип жатып эмне себептен мектептерге компьютерди берүү кечеңдеп жатканын түшүндүрдү.
Мамбетакунов мектептерге эмеректер жеткирилгенин айтат.
“Өлкө аймагындагы 1 миң 200 мектептин беш-алты мугалими мага күн сайын компьютер боюнча жазышат. Учурда компьютерлер бизге келип, ар бири текшерүүдөн өтүүдө. Анткени жиберип алып, анан иштебей калбасын деп көзөмөлдөп жатабыз. Бирок 1 миң 200 мектепке эмеректер барды, жакында 15 компьютер жиберилет. Мультимедиа кабинеттери болуп, интерактивдүү сабактарды өтүүгө шарт түзүлөт. Мындан сырткары, беш компьютер табигый илимдер предметтеринин кабинетине бир-бирден коюлат. Окуучулар жаңы жылды жаңы компьютерлер менен баштайт. Белгилей кетсем, информатика сабагынан берген мугалимдер ал кабинетти ээлеп албашы керек. Биолог, физик мугалими сабак бергиси келсе, тоскоолдук болбошу зарыл”, - дейт ал.
Министр ЮНИСЕФ уюму тарабынан дагы 100 мектепке 10-11ден компьютер берилерин кошумчалады.
Пикир
Оставить комментарий