Бишкек, 18.01.23./Кабар/. Министрлер Кабинетинин Төрагасынын орун басары Бакыт Төрөбаевдин төрагалыгынын алдында мамлекеттик-жеке өнөктөштүк (МЖӨ) долбоорлорун алдыга жылдыруу жана ийгиликтүү ишке ашыруу максатында түзүлгөн долбоордук тобунун биринчи жыйыны болду.
“Кыргыз Республикасынын Министрлер Кабинетинин жетекчилиги мамлекеттик-жеке өнөктөштүктү колдонууга жана өнүктүрүүгө өзгөчө көңүл бурат. Ошол себептүү, быйыл мамлекеттик-жеке өнөктөштүк долбоорлорунун санын 68ден 90го чейин көбөйтүүнү пландап жатабыз. Учурдан пайдаланып тиешелүү мамлекеттик мекемелердин жетекчилерине айтып кетейин, долбоорлорду өнүктүрүүдө айрым укуктук ченемдик актыларда тоскоолдуктар болсо, аларды дал келтирүү керек”, - деди Бакыт Төрөбаев.
Министрлер Кабинети 2022-2026-жылдарга Кыргыз Республикасында МЖӨтү өнүктүрүү Программасын кабыл алды, суммасы 100 млрд сомдон кем эмес долбоорлор кирет. Ошондой эле, Кыргыз Республикасында МЖӨ долбоорлорун өнүктүрүү Планын бекитти, суммасы 1 млрд доллардан ашуун долбоорлор кирет.
МЖӨ долбоорлоруна саламаттык сактоо, өндүрүш, энергетика, билим берүү, айыл чарба жана башка тармактар кирет.
Пикир
Оставить комментарий