Бишкек, 29.10.24. /Кабар/. 26-октябрда Минск шаарында Кыргызстандын искусство чеберлеринин гала-концерти болуп өттү. Бул тууралуу КР Тышкы иштер министрлигинен билдиришти.
Маалыматка ылайык, концерт Кыргызстандын Беларустагы маданият күндөрүнүн алкагында уюштурулуп, ага “Камбаркан” фольклордук-этнографиялык ансамбли, “Акмарал” мамлекеттик бий ансамбли, ошондой эле Кыргыз Республикасынын эл жана эмгек сиңирген артисттери катышты.
Беларустук көрүүчүлөргө элдик чыгармалар, белгилүү кыргыз композиторлорунун жана акындарынын чыгармалары тартууланды.
Иш-чараны Кыргызстандын Беларустагы элчиси Эрбол Султанбаев, Беларустун маданият министринин биринчи орун басары Валерий Грамада жана Кыргызстандын маданият, маалымат, спорт жана жаштар саясаты министринин орун басары Гүлбара Абдыкалыкова ачышты.
Пикир
Оставить комментарий