Бишкек. 19.03.19 /Кабар/. Минск шаарында ири массалык маалымат каражаттарынын өкүлдөрү Россиянын Беларусиядагы элчиси Михаил Бабич өткөргөн пресс-конференцияга байкот жарыялашты, деп жазат currenttime.tv.
Пресс-конференция Крымдын Россиянын курамына кошулушунун беш жылдыгына арналган болчу.
Беларусиянын ири көз карандысыз массалык маалымат каражаттары бул тууралуу кайрылуу тараткан: Бул маселенин оң жана терс жактарын таразалап, пресс-конференцияга катышпоону чечтик, – деп айтылат кайрылууда.
Ошондой эле кайрылууда – биз элчинин өзүнө көңүл бурбай койгон жокпуз, биз аны менен беларус-орус эки тараптуу кызматташтык боюнча пресс-конференция болсо, ага катышууга даярбыз, – деп айтылат.
“Бирок, маалымат жыйында биздин журналисттердин катышуусунда айтылган теманы эске алуу менен бирге окурмандарда алар (журналисттер) 2014-жылы болгон Крым окуяны боюнча бир тараптын позициясын колдоп жатат деген ой жаралбашы керек”, - деп айтылат билдирүүдө.
Маалымат жыйынга келген мамлекеттик ММКлардын журналисттери да элчиге бир дагы суроо узатышкан эмес.
Пикир
Оставить комментарий