Бишкек, 11.09.17 /Кабар/. Өкмөт 2017-жылга карата Мамлекеттик каттоо кызматынын атайын эсебинин өлчөмүн 110 млн сомго, ал эми Ветеринардык жана фитосанитардык коопсуздук инспекциясынын кызматынын чыгымын 40 млн сомго көбөйтүү сунуштоодо. Бул тууралуу Жогорку Кеӊештин Бюджет жана финансы боюнча комитетинин кезектеги жыйынында тармактык комитеттин төрагасы Таабалды Тиллаев билдирди.
ЖК басма сөз кызматы билдиргендей, депутаттар Улан Примов менен Акылбек Жапаров республикалык бюджетке өзгөртүүлөрдү киргизүү жөнүндө сунуштар жазуу жүзүндө бериле турганын эске салып, өкмөт өкүлдөрүнө жазуу жүзүндө корутунду берүүнү талап кылышты.
Пикир
Оставить комментарий