Бишкек, 10.10.22. /Кабар/. Молдовановкада колонияга баңгизатын киргизүү аракетине бөгөт коюлду. Бул тууралуу Жазаларды аткаруу кызматынан билдиришти.
Маалыматка ылайык, кечээ, 9-октябрда саат 17:00 чамасында Жаза аткаруу кызматынын Молдовановка айылында жайгашкан №1 мекемесине 1992-жылы туулган А.У.А. жана 1990-жылы туулган А.Д.К. аттуу кыргыз жарандары жалпы салмагы 76 граммды түзгөн, гашишке окшош кара куурай жыты бар кочкул жашыл затты скотч менен ороп, киргизүүнү көздөшкөн.
Жүргүзүлгөн ыкчам иш-чаралардын негизинде шектүүлөр кармалды.
Бул факты Аламүдүн РИИБне катталып, кармалган жарандар жана чогултулган материалдар кошумча иликтөө иштери үчүн өткөрүп берилди.
Пикир
Оставить комментарий