Москва районунда жол кырсыгынан мотоциклдин айдоочусу каза болду

Кырсык 0

Бишкек, 12.09.22. /Кабар/. Москва районунда жол кырсыгынан мотоциклдин айдоочусу каза болду.

Чүй облусунун жол кыймылынын коопсуздугун камсыздоо башкармалыгы билдиргендей, 11-сентябрда саат 7.00дө Сретенка айылында жол кырсыгы катталгандыгы тууралуу маалымат түшкөн.

Алдын ала маалымат боюнча, аталган айылдын Борбордук көчөсүндө белгисиз айдоочу “Днепр” мотоцикли менен сүзүшүп, кырсык болгон жерден качып кеткен.

Ыкчам издөө иштеринин натыйжасында кырсык болгон жерден качып кеткен "Форд Транзит" үлгүсүндөгү унаанын айдоочусу, 46 жаштагы С.А. кармалды.

Кырсыктын кесепетинен Сретенка айылынын тургуну, мотоциклдин айдоочусу Ч.А.А алган жаракатынан улам окуя болгон жерде каза болгон. Ошондой эле мотоциклдин жүргүнчүсү, 17 жаштагы А.А.С. жаракат алган.

Пикир

Оставить комментарий