Бишкек, 20.10.24. /Кабар/. 19-октябрда Кыргызстандын Маданият күндөрүнүн алкагында Москва шаарындагы Жеңиш музейинде Кыргыз киносунун күндөрүнүн салтанаттуу ачылышы өттү. Бул тууралуу Маданият, маалымат, спорт жана жаштар саясаты министрлигинен билдиришти.
Маалыматка ылайык, аталган иш-чара Кара-Кыргыз автономиялык облусунун түзүлгөндүгүнүн 100 жылдыгына арналып, өлкөнүн тарыхындагы маанилүү этапты белгилейт.
Иш-чара кыргыз киносунун бай жана ар түрдүү дүйнөсүн чагылдырган кинолордун берүүсүнүн башталышы болуп, кыргыз элинин маданий салттарын, өзгөчөлүгүн жана руханий мурасын көрсөтөт.
Ачылыш аземинде Кыргыз Республикасынын Министрлер Кабинетинин Төрагасынын орун басары Эдиль Байсалов жана Россия Федерациясынын Маданият министри Ольга Любимова сөз сүйлөп, Кыргызстан менен Россиянын ортосундагы маданий диалогду чыңдоонун жана достук мамилелерди бекемдөөнүн маанилүүлүгүн белгилешти.
Кыргыз киносунун күндөрүнүн программасы төмөнкү тасмаларды камтыйт:
- • 18-октябрь: Ачылыш Р. Акун режиссерлуккылган “Бейиш эненин тасманын астында” тасмасы менен башталды. Бул тасма заманбап Кыргызстандагы татаал жана таасирдүү учурлар жөнүндө баяндайт.
- 19-октябрь: Көрүүчүлөргө режиссер Актан Арым Кубаттын “Эсимде”тасмасы сунушталат. Тасма өткөндү эстөөгө жана маданий мурастарды сактто жөнүндө. Ошондой эле Айбек Дайырбековдун "Дарак ыры" тасмасы көрсөтүлдү.
- 20-октябрь: Фестиваль Дальмира Тилепбергенованын "Белек" тасмасы менен жыйынтыкталат, анда үй-бүлөнүн жана достуктун баалуулугу баяндалат, ошондой эле Бакыт Мукул жана Дастан Жапар уулу режиссерлук кылган "Акыркы көч" тасмасы көрсөтүлөт, тасмада кыргыз көчмөндөрүнүн жашоосу жөнүндө баяндалат.
Кыргыз киносунун күндөрү Москва шаарында маанилүү маданий окуя болуп, Россия менен Кыргызстандын ортосундагы маданий байланыштарды чыңдоонун символун билдирет.
Фестиваль бардык көрүүчүлөрдү кыргыз киносунун дүйнөсүн ачууга, кыргыз элинин тарыхы жана салттарына болгон терең сый-урматка чакырат.
Пикир
Оставить комментарий