Бишкек, 24.02.21. /Кабар/. Кечээ, 23-февралда Москва шаарындагы "Москва" соода-жарманке комплексинде "Кыргызстан" павильонунун салтанаттуу ачылышы болду. Бул тууралуу Кыргызстандын Россиядагы элчилигинен билдиришти.
Иш-чарага Инвестицияларды илгерилетүү жана коргоо боюнча мамлекеттик агенттигинин директору Алмамбет Шыкмаматов, "Москва" соода-жарманке комплексинин башкы директору К. Алесимова жана "Киев Аянтынын" ээлеринин бири катышты. Бул павильондо Кыргызстанда өндүрүлгөн ар кандай буюмдар, тамак-аш азыктары, текстиль жана кийим-кечелер көрсөтүлөт.
Маалымат үчүн: "Москва" соода-жарманке комплекси Москва шаарынын Люблино районунда жайгашкан жана Россиянын гана эмес, Чыгыш Европанын дагы дүң жана чекене ири соода борбору болуп саналат.
"Москва" соода-жарманке комплекси 2001-жылдан тартып иштеп келет.
Пикир
Оставить комментарий