Москвадан Ош шаарына 355 жаран кайтарылды

Коом 0

Бишкек, 13.06.20. /Кабар/. Бүгүн, 13-июнь күнү Москвадан Ош шаарына 355 кыргызстандык жаран, анын ичинде кийинекей балдар кайтарылды. Бул тууралуу Тышкы иштер министрлигинен билдиришти.

Кыргызстандык жарандар "Аэрофлот" авиакомпаниясынын учагы менен учуп келген.

Министрликтен билдиришкендей, мекенине кайтууну каалаган жарандардын саны көп болгондуктан, келе турган жарандардын тизмеси Москвадагы кыргыз медициналык клиникаларынын дарыгерлеринен, кыргыз диаспорасынын, Кыргызстандын Россиядагы элчилигинин өкүлдөрүнөн турган комиссия тарабынан түзүлгөн.

Тандоо жарандардын кайрылууларынын негизинде жүргүзүлүп, негизинен бул каттамга кош бойлуу жана 2 жашка чейинки кичинекей балдары бар аялдар тандап алынган.

Учуп келген жарандардын баары тиешелүү түрдө обсервацияга жаткырылат.

"Чет жердеги Кыргызстандын жарандарын өлкөгө кайтаруу боюнча иштер улантылууда", - деп билдиришти министрликтен.

Пикир

Оставить комментарий