Бишкек, 07.10.20. /Кабар/. Аймактык салык органдары ишин штаттык режимде улантышууда. Бул тууралуу бүгүн, 7-октябрда мамлекеттик салык кызматынын төрагасы Кабыл Абдалиев ведомствонун борбордук аппаратынын жетекчилик курамы менен болгон жумушчу кеңешмеде билдирди, - lдеп маалымдайт ведомствонун басма сөз кызматы.
Салык кызматынын төрагасы белгилегендей, салык кызматынын мүлкүн коргоо максатында борбордук аппаратта жана аймактык салык органдарында графиктин негизинде күнү-түнү нөөмөттө туруу уюштурулду.
Салык кызматтары, анын ичинде отчетторду кабыл алуу процесстери кадимки режимде иштөөдө. Коронавирус инфекциясын алдын алуу боюнча зарыл болгон санитардык-гигиеналык чаралар көрүлүп, күчөтүлдү.
COVID-19 пандемиясынын таралышына бөгөт коюу максатында, жарандарга тейлөөлөрдү салык кызматынын сайтындагы “жеке кабинети” же салык органдарынын электрондук почтасы аркылуу алууну сунуштайбыз.
Салык маселелери боюнча маалыматтарды 116 номери боюнча алууга болот.
Пикир
Оставить комментарий