Бишкек, 16.06.20 /Кабар/. Бүгүн, 16-июнь күнү Бишкек шаарынын Биринчи май райондук сотунда Свердлов райондук сотунун мурдагы соту Элвира Жаркееванын иши боюнча отурум өтүүдө.
Соттук отурумда жактоочу Ысык-Көлдөгү камакта болгон мүлк боюнча өтүнүч келтирип, аны камактан алып салууну өтүндү.
“Соттун алкагында Ысык-Көлдөгү мүлк камакка алынган. Ал токтом мыйзамдуу эмес. Ал камакты алып салууну өтүнөм”, - деди ал.
Анын айтымында, ал мүлктүн бул процесске тиешеси жок.
“Бул маселе мурда каралган. Өтүнүчтү четке кагууну суранам”, - деди прокурор.
Сот тараптарды угуп, өтүнүчтү канааттандырган жок.
Эскерте кетсек, Жаркеевага Кылмыш кодексинин 304 жана 328-беренелери боюнча айып тагылууда.
Пикир
Оставить комментарий