Музейдин директору Мира Жангарачева кызматтан кетти

Бишкек, 02.12.19. /Кабар/. Гапар Айтиев атындагы көркөм өнөр музейинин директору Мира Жангарачева ээлеген кызматынан бошотулду.

Маданият, маалымат жана туризм министрлигинин басма сөз кызматынан кабарлашкандай, тиешелүү буйрукка министр Азамат Жаманкулов кол койгон.

Белгилей кетсек, Гапар Айтиев атындагы көркөм сүрөт музейинде феминнале көргөзмөсү өтүп, анда кыздар жылаңач денесин көрсөтүшкөн. Бул өз кезегинде социалдык тармактарда кызуу талкууга алынууда.