Бишкек, 05.01.23 /Кабар/. Ош облусунун Кара-Кулжа районуна караштуу Мырза-Аке – Кара-Кулжа – Алайкуу унаа жолунун 75-чакырымында кар көчкүсү түшкөн.
Өзгөчө кырдаалдар министрлигинен билдиришкендей, кар көчкүнүн көлөмү 1 миң 500 куб метрди түзөт.
Мындан сырткары, 70-80-чакырым аралыктарында бийиктиги 50-90 см кар күрткүлөр пайда болгондуктан, унаа жолу убактылуу жабылган.
ӨКМден белгилешкендей, аталган унаа жолдун 47 жана 107-чакырымдарында ЖККББ тарабынан атайын посттор уюштурулган. Бүгүн жерине тазалоо иштерин жүргүзүүгө 1 бульдозер, 1 жүктөгүч тартылды.
Кошумча маалымат берилет.
Пикир
Оставить комментарий