Бишкек, 14.06.24. /Кабар/. Нарын дарыясынын жээгинде эс алуучулар үчүн аллеянын курулушу башталды. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти.
Маалыматка ылайык, Нарын регионалдык шаар куруу жана архитектура боюнча башкармалыгы тарабынан Нарын дарыясынын түндүк жээгин көрктөндүрүү боюнча долбоордук-сметалык документ иштелип чыгып, бүгүнкү күндө курулуш иштери башталды.
Эс алуу аймагынын жалпы аянты 3 100 чарчы метр жерди түзөт. Мында эс алуучулар үчүн керектүү шарттар түзүлүп, асфальт жана таш тамандар төшөлүп, түнкү чырактар жана отургучтар орнотулат жана коопсуздук сакталат.
Пикир
Оставить комментарий