Нарын электр тармактар ишканасында кышка даярдык көрүлүүдө

Бишкек, 02.10.23. /Кабар/. Нарын электр тармактар ишканасында кышка карата даярдык жүрүүдө. Бул тууралуу Энергетика министрлигинен билдиришти.

Маалыматка ылайык, жаз айынан башталган оңдоп-түзөө иштери дагы да уланууда.

"Учурдагы жана накталап оңдоо иштеринин жыйынтыгы 8 айга 35 кВ жогору 42 көмөк чордон оңдоого берилсе бүгүнкү күндө толугу менен оңдолду. Ал эми 35 кВ жогору аба чубалгылары 8 айга 1745,4 км берилип, толугу менен оңдоодон өтүп, 100% план, 10/0,4 кВ көмөк чордондорунан 8 айга 342 даана пландалса, 335 даана толук бүткөрүлүп, 98% аткарылды", - деп айтылат маалыматта.

Ошондой эле 10/0,4 кВ аба чубалгылары 557,2 мерчемделсе, бүгүнкү күндө 550,1 км бүтүп, 98,7 % аткарылды.