Бишкек, 29.04.20. /Кабар/. Нарын облусунда турак жайлар жана чарба үлүш жерлери табигый кырсыктардан корголду. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, Нарын облусундагы Кочкор районунун Көк-Жар айылындагы Жоон-Арык суусунун 990 метр аралыктагы жээгин бекемдөө иштери жүргүзүлдү. Аткарылган иштердин жыйынтыгында Көк-Жар айылынын 20 турак жайы жана 1 мектеп сел жана суу ташкындарынан корголду. Аталган иш-чарага КР ӨКМдин техникалык каражаттары тартылды.
Бүгүнкү күндө ӨКМ тарабынан 2300 литр күйүүчү май бөлүнүп, Жумгал районунда 1 объектиде техника каражатынын жардамы менен жумуш аткаруу пландалууда.
Белгилей кетсек, мерчемделген объектилердин арасынан эң орчундуу жана кечиктирилгис зарылчылыгы бар объектилерде жумуштар жүрүүдө.
Пикир
Оставить комментарий