Бишкек, 21.12.18. /Кабар/. Нарын облусунун Кочкор районунда 3 унаанын катышуусунда жол кырсыгы катталды. Бул тууралуу Өзгөчө кырдаалдар министрлигинен (ӨКМ) кабарлашты.
Маалыматка ылайык, жол кырсыгы кечээ, 20-декабрда болжол менен саат 08:45тер чамасында болгон.
“Бишкек-Нарын-Торугарт унаа жолунун 190-чакырымында “ХОВО”, “Хонда-СРВ” жана “Ауди-100” үлгүсүндөгү унаалардын катышуусунда жол кырсыгы катталган. Кырсыктын кесепетинен 5 адам (4 эркек,1 аял) ар кандай жеңил жаракаттарды алган”, - деп билдиришти ӨКМ кызматынан.
Окуя болгон жерге куткаруучулар барып, жабыркаган адамдарга медициналык биринчи жардам көрсөтүшүп, тез жардам кызматына өткөрүп беришкен.
Пикир
Оставить комментарий