Бишкек, 08.06.22. /Кабар/. Нарында атасына бычак сайып өлтүргөн жаран кармалды. Бул тууралуу Нарын облустук милициясынын басма сөз кызматы билдирет.
Маалыматка ылайык, милицияга кечээ, 7-июнда болжол менен саат 14:30 чамасында Нарын облустук ооруканасынан Нарын районунун Алыш айылынын 1975-жылы туулган К.Т. аттуу тургуну үйүнөн өз атасын бычак сайып, денесине жаракат келтиргендиги тууралуу билдирүү түшкөн.
Жерине барган милиция кызматкерлери ошол эле күнү саат 13:30 чамасында К.Т. эшиктен мас абалында үйүнө келип, жубайы менен уруша кетип, келинине болушкан атасына бычак сайып жибергендигин аныктаган.
Натыйжада шектүүнүн атасы - 1951-жылы туулган К.Э. денесинен алган жаракатынан улам окуя болгон жерден каза болгон. Бирок, шектүү окуя болгон жерден качып кеткен.
Аталган факты кылмыштардын бирдиктүү реестрине катталып, Кылмыш-жаза кодексинин Адам өлтүрүү беренесинин негизинде кылмыш иши козголгон.
Милиция тарабынан жүргүзүлгөн ыкчам-иликтөө иш-чараларынын натыйжасында Т.К. кармалып, убактылуу кармоочу жайга киргизилди.
Нарын РИИБи тарабынан тергөө амалдары жүргүзүлүүдө.
Пикир
Оставить комментарий