Бишкек, 27.10.21. /Кабар/. Ноокат районунда Ош – Баткен – Исфана унаа жолунун 22-чакырымында оор жүк ташуучу КамАЗ жана Hyundai Porter үлгүсүндөгү унаалардын катышуусунда жол кырсыгы катталган. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, кырсыктын кесепетинен Hyundai Porter унаасындагы 2 эркек киши жабыркаган, учурда алардын аты-жөнү такталууда.
Куткаруучулар жеткенге чейин жабыркагандарды тез жардам кызматы Ноокат райондук ооруканага алып кеткен.
Кырсык болгон жерге 4 куткаруучу тартылган.
Пикир
Оставить комментарий