Бишкек, 19.03.21. /Кабар/. Жалал-Абад облусунун "Даван тилкесинде" түшкөн кар көчкүнүн кесепетинен Токтогул ГЭСинен "Датка" көмөк чордонуна келген жогорку чыңалуудагы электр линиясы өткөн мамыча жабыркаган.
Өзгөчө кырдаалдар министрлигинен билдиришкендей, 25-февралда Ноокен районунда түшкөн кар көчкүдөн электр энергия үзгүлтүккө учураган.
"Электр энергия башка линия аркылуу камсыздалган. Окуя болгон жерге куткаруучулар тартылган. 2-мартта Жалал-Абад облусунун аймагына "Өзгөчө кырдаал" режими киргизилген. 18-март күнү №118, №121 электр мамычаларына зымдар тартылып, иш толугу менен аяктаган. Тартылган техникалар 19-март күнү туруктуу ордуларына кайтышат", - деп айтылат маалыматта.
Пикир
Оставить комментарий