• 89.12
  • 94.98
  • 0.95

Бишкектеги Новая көчөсүн оңдоого эмнелер тоскоол болууда? Мэриянын жообу

Коом 0

Бишкек, 02.08.21. /Кабар/. Бишкек шаарынын вице-мэри Русланбек Акылбеков менен Биринчи май районунун акими Максат Нусувалиевдин, Аламүдүн районунун мамлекеттик администрациясынын башчысынын орун басары Манас Касымалиевдин жана шаардык кызматтардын катышуусунда Новая көчөсүн оңдоо боюнча жолугушуу өткөрдү. Бул тууралуу шаардык мэриянын басма сөз кызматы билдирет.

Маалыматка ылайык, жыйындын катышуучулары жолдун курулушунун жүрүшү менен таанышып, Пригородный айыл өкмөтүнүн аймагында жайгашкан жолдун курулушуна тоскоол болгон эки объектини текшеришти. Шаардын вице-мэри кызматтарга мыйзамсыз объекттерди бузуу боюнча тийиштүү иштерди жүргүзүүнү тапшырды жана Жеңиш конушунун тургундарынын ыңгайлуулугу үчүн аялдама комплексин куруу мүмкүнчүлүгүн карады.

"Азыр Аламүдүн районунун Пригородное айылынан "Жеңиш" турак жайынын кире беришинин узундугу 500 метр болгон асфальт төшөлмөсүнүн биринчи катмарын төшөө иштери жүрүп жатат. Азыр айыл өкмөтү бул маселени чечүү үчүн иштеп жатат. Белгилей кетсек, көчөнү реконструкциялоо КЭРдин грантынын эсебинен каржыланган "Бишкек шаарынын көчө -жол тармагын өнүктүрүү" долбоорунун экинчи этабынын алкагында жүргүзүлүүдө", - деп айтылат билдирүүдө.

Жолугушуунун соңунда Бишкек шаарынын вице-мэри Р.Акылбеков Бишкек шаарынын мэриясынын ыйгарым укуктуу түзүмдүк бөлүмдөрүнүн жетекчилерине жолдорду куруунун жана реконструкциялоонун сапатын өзгөчө көзөмөлгө алууну тапшырды.

Пикир

Оставить комментарий