Бишкек, 18.10.17 /Саланат Абдраева - Кабар/. Талас облусунун Кара-Буура районундагы Киров суу сактагычынын плотинасын оңдоо жана бекемдөө максатында 18-октябрдан тарта анын чөйчөгүн бошотуу иштери жүргүзүлөт. Бул тууралуу Айыл, суу чарба жана тамак-аш өнөр жайы министрлиги маалымдады. Ага ылайык, чөйчөктөгү суу түбүнө чейин агызылат.
Суу сактагычтан суу кое берилери тууралуу маалымат анын төмөн жагындагы Талас облусунун Манас районуна жана Казакстандын Чу-Талас аймагындагы суу инспекциясына айтылган.
Кыргызстан Киров суу сактагычындагы суунун 12 пайызын гана пайдаланат, калганын келишимдин негизинде Казакстан колдонот.
Талас дарыясындагы Киров суу сактагычы 1975-жылы курулган.
Айыл, суу чарба жана тамак-аш өнөр жайы министрлигинин суу сактагычты оңдоо тууралуу малыматы Астананын демилгеси менен кыргыз-казак чек арасынан адамдардын жана автоунаалардын өтүүсү кыйындаган учурга туш келди.
Пикир
Оставить комментарий