Бишкек, 28.05.23. /Кабар/. Оңдоо иштерине байланыштуу Төө-Ашуудагы туннель маал-маалы менен жабылып турат. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Маалыматка ылайык, 19-майдан 28-июнга чейин Бишкек-Ош автожолунун 129-131-чакырымында жайгашкан Төө-Ашуу ашуусундагы К.Көлбаев атындагы туннелдин ичиндеги электр зымдарын, прожекторлорун тартуу жана актоо иштерине байланыштуу унаалардын кыймылына маал-маалы төмөнкү убакыттарда чектөөлөр киргизилет:
-05:00дөн, 08:00гө чейинки убакытта;
-10:00дөн 12:00гө чейинки убакытта;
-14:00дөн 16:00гө чейинки убакытта.
Жол кыймылынын коопсуздугун камсыздоо башкы башкармалыгы алыскы жолго чыгуучу айдоочуларга жогорудагы убакыттарды эске алып, алдын ала пландоо менен жолго чыгууну сунуштайт.
Пикир
Оставить комментарий