Бишкек, 25.10.24. /Кабар/. Бишкектеги Орто-Сай базарында өрт-тактикалык машыгуу өткөрүлдү.
Муниципалитеттен билдиришкендей, машыгууда Өзгөчө кырдаалдар министрлигинин өрт өчүрүүчү унаасы бардык жолдорду жана өтмөктөрдү атайын аралап чыккан.
Анда унаанын өтүшүнө базардын аймагында башаламан соода-сатык кылган соодагерлер тоскоолдук кылышкан.
Машыгуунун жүрүшүндө муниципалдык инспекция тарабынан мыйзамсыз чатырлар алынып, соода эрежелерин бузган соодагерлерге 24 миң сомго айып пул салынды. Укук бузуулар кодексине ылайык, жеке адамдарга карата 8 протокол түзүлгөн.
Мэриядан белгилешкендей, мындай текшерүүлөр тартипти сактоо жана жарандарга ыңгайлуу шарттарды түзүү максатында улантылмакчы.
Пикир
Оставить комментарий