Ош, 27.04.18. /Кабар/. Оштогу күйүп жаткан үйдүн 5-кабатынан секирген кыз ооруканадан өзүнө келбей каза болду. Бул тууралуу шаардык ИИБдин басма сөз кызматы билдирет.
Милиция кызматкерлери кыздын өздүгүн тактаган: ал Алай районунун 28 жаштагы А.Э., аттуу жараны.
Мурда анын туугандары изделип жаткандыгы тууралуу айтылган. Учурда маркумдун сөөгүн туугандарына өткөрүп берүү үчүн иш-чаралар жүргүзүлүп жатат.
Эске сала кетсек, 24-апрелге караган түнү болжол менен саат 23:21де Ош шаарындагы 12-кабаттуу үйдө өрт чыккан. Болжолдуу маалыматка ылайык, өрттүн очогу 5-кабаттан башталган. Өрт өчүрүүчүлөр 30дай адамды эвакуация кылышкан.
Өрттүн кесепетинен 6 адам жабыркаган, алардын экөө өрт болгон кезде 5-кабаттан секиришкен.
Пикир
Оставить комментарий