Бишкек, 03.12.20. /Кабар/. Бүгүн, 3-декабрда Ден-соолугунун мүмкүнчүлүгү чектелген адамдардын эл аралык күнүнө карата вице-мэр Эмил Шадыханов шаардагы 12 көмөкчү мектебинин, көзү азиз жана көрүүсү начар балдардын адистештирилген мектеп-интернатынын жана шаардын кыймыл-таяныч тутумундагы мүмкүнчүлүгү чектелген балдарды реабилитациялоо борборунун жетекчилерин кабыл алды. Бул тууралуу Ош шаардык мэриясынын басма сөз кызматы билдирет.
Маалыматка ылайык, вице-мэр шаар мэри Таалайбек Сарыбашовдун атынан жетекчилерди майрамы менен куттуктап, алардын жасап жаткан эмгеги чоң экендигин баса белгиледи.
Иш-чаранын жүрүшүндө вице-мэр жетекчилерге Ош шаарынын мэриясынын атынан 10 миң сомдон акчалай жардам берди. Ошондой эле Шадыханов мүмкүнчүлүгү чектелген адамдар тарбияланган мектеп-интернат, борборлордун жетекчилеринин маселе, көйгөйлөрүн угуп, аларды чечүү боюнча тапшырмалар берилди.
Айта кетсек, 2020-жылдын 1-декабрына карата Ош шаарында жалпы 7 099 ден-соолугунун мүмкүнчүлүгү чектелген жаран бар.
Пикир
Оставить комментарий