Бишкек, 08.01.20. /Кабар/. Ош облусунда жер титиреди, - деп кабарлайт КР Өзгөчө кырдаалдар министрлигинин (ӨКМ) басма сөз кызматы.
КР Сейсмология институтунун маалыматына ылайык, жер титирөөнүн очогу Тажикстандын аймагында катталып, бүгүн, 8-январда болжол менен саат 07:51де күчү 3 баллга жеткен жер титирөө катталган.
Жер титирөө Кыргызстандын Ош облусунун Чоң-Алай районунун Кара-Тейит айылында 3 балл, Карамык айылында 2,5 баллга чейин сезилген.
Алдын ала маалыматка ылайык, жер титирөөдөн жабыркагандар жана кыйроолор катталган жок.
Пикир
Оставить комментарий