Ош — Сары-Таш — Эркечтам унаа жолу катуу бороондон улам убактылуу жабылды

Бишкек, 04.01.25. /Кабар/. Ош — Сары-Таш — Эркечтам жолундагы Талдык жана Тоң-Мурун ашууларында катуу бороондон улам жол жабылды.

Транспорт министрлигинин маалыматына ылайык, Ош-Сары-Таш-Эркечтам унаа жолунун 216-223-чакырымдар аралыгындагы Талдык жана Тоң-Мурун ашууларында катуу бороон болууда. Аймакты караган № 960 Жол тейлөө ишканасынын кызматкерлери атайын техникалар менен жолдо калган унааларга жардам берип, чыгарып жатышат.

"Жол көрүнбөй, бороон катуу болгондуктан унаалардын бардык түрүнө убактылуу чектөөлөр киргизилүүдө. Аба ырайы турукташкан соң тазалоо, инерттик материалдарды чачуу иштери уланат",-деп айтылат маалыматта.

Кошумча маалымат берилет.