Ош шаарынын мэриясынын коллегиялык жыйыны болуп өттү

Бишкек, 28.03.19. /Кабар/. Бүгүн, 28-мартта Ош шаарынын мэриясынын кезектеги коллегиялык жыйыны болуп өттү. Ага биринчи вице-мэр Саибжан Турдуев, шаардык кеңештин төрагасы Жапарбек Ормонов, мекеме-ишканалардын жетекчилери, муниципалдык аймактык башкармалыктардын башчылары катышты.

Жыйындын күн тартибинде үч маселе каралып талкууланды.

-2018-2019-жылдардагы күзгү-кышкы жылытуу мезгилинин өткөрүүнүн жыйынтыгы жана 2019-2020-жылдардагы күзгү-кышкы мезгилге даярдыктарды көрүү жөнүндө,

-КРнын Өкмөтүнө караштуу экология жана техникалык коопсуздук боюнча мамлекеттик инспексиясынын Ош шаары боюнча регионалдык башкармалыгынын жүргүзүп жаткан ишмердүүлүгү жөнүндө, Ош шаардык ооруларды алдын алуу жана мамлекеттик санитардык-эпидемиологиялык көзөмөлдөө борборунун ишмердүүлүгү жөнүндө.

Шаардын вице-мэри Асылбек Топчубаев Ош шаарында 2018/2019-жылдардагы жылытуу сезону негизинен тийиштүү деңгээлде өткөрүлүп, жылуулук жана электр энергиялары менен камсыз кылууда өзгөчө үзгүлтүккө учуроолор болбогонун билдирди.

-“Ош шаарын күзгү-кышкы өнөктүккө өз убагында түзүлгөн иш-чаралар көрсөтүлгөн мөөнөттө толугу менен аткарылып, 2018-жылдын 1-ноябрынан Ош шаарында жылуулук берүү башталып, 2019-жылдын 15-мартында жылуулук берүү токтотулду.

Ош шаарынын жылуулук электр борбору 2018/2019-жылдардагы күзгү-кышкы өнөктүктү жогорку деңгээлде өткөрүү максатында түзүлгөн иш-чаралардын негизинде бардык иштер толугу менен аткарылып, үч даана буу казандары иштеп, шаарыбыздагы 38 билим берүү, 12 саламаттыкты сактоо, 8 жогорку окуу жайын, 5 өнөр-жай мекемелерин, 319 көп кабаттуу үйлөрдү, 200 жеке менчик үйлөрдү жана башка 298 мекемелерди жылуулук энергиясы менен үзгүлтүксүз камсыздады.

2018/2019-жылдардагы жылуулук берүү мезгилинде жылуулук электр борбору тарабынан 6,28 млн. м3 жаратылыш газы, 8,3 млн. кВт электр энергиясы жана 14852,0 тонна мазут иштетилип, 157048,0 Гкал жылуулук энергиясы өндүрүлдү.

Мазут отунун калдыгы 2019-жылдын 20-мартына карата 4107,0 тоннаны түздү. 2019-жылдын 1-мартына карата жалпы дебитордук карыз 88,4 млн. сомду түзүп, 2018-жылдын 1-апрелине салыштырмалуу 3,5 млн. сомго кыскарган”,-деди. А.Топчубаев.

Ош муниципалдык «Жылуулуккамсыздоо» ишканасы 2018/2019-жылдардагы күзгү-кышкы өнөктүктү өз деңгээлде өткөрүү максатында түзүлгөн иш-чаралардын негизинде бардык иштер толугу менен аткарылып, ишкананын 82 отканасы иштеп, жалпысынан шаарыбыздагы 288 көп кабаттуу үйлөрдү, 35 мектепти, 26 балдар бакчасын, 10 саламаттыкты сактоо мекемесин, 9 жогорку окуу жайын, бардыгы болуп 93 мекемени жана 48 жеке менчик үйлөрдү жылуулук энергиясы менен үзгүлтүксүз камсыздады.