Бишкек, 28.06.24. /Кабар/. Бүгүн Ош жана Баткен облустарынын аймагында катуу жааган жаандан улам сел жүрдү.
Өзгөчө кырдаалдар министрлигинен билдиришкендей, болжол менен саат 16:10дор чамасында нөшөрлүү жамгырдын кесепетинен Ноокат районунун Абшыр-Ата, Кара-Булак жана Тескей-Кожоке айылдарына сай аркылуу келген сел суулары 30дан ашык турак үйгө жана короо-сарайларына, 1 бала бакчага кирген.
Ошондой эле Баткен облусундагы Кадамжай районунун Кичи-Айдаркен, Жеңиш жана Сур айылдарына сай менен келген сел суулары турак үйлөрдүн короосуна, бакчага, мектептин спорт залына жана Кадамжай – Айдаркен унаа жолунун айрым жерине келген.
Учурда жеринде сел кесепеттерин жоюу үчүн куткаруучулар жана ыкчам топтор иш алып барууда.
Пикир
Оставить комментарий