Бишкек, 16.08.24. /Кабар/. Ошко Стамбулдан аткезчилик жүк ташып келүү аракети көрүлгөн. Бул тууралуу Мамлекеттик бажы кызматы билдирет.
Маалыматка ылайык, бажычылар УКМКнын кызматкерлери менен биргеликте бажы мыйзамдарын бузуу фактысы аныкташты.
Алсак, Ош аэропортунда "Стамбул - Ош" каттамы боюнча жеке ишкер "М.Ю.И." дарегине жүк келип түшкөн, эсеп-фактурага ылайык, товардын жалпы салмагы 205 кг түзгөн. Текшерүүнүн жыйынтыгында товардын салмагы иш жүзүндө 450 кг экени аныкталган, мындан тышкары алып кирүүгө эч кандай уруксаты жок дары-дармектер табылган.
Иштин бардык жагдайлары такталганга чейин товарлар "БИ" МИнин түштүк филиалынын убактылуу сактоочу кампасына коюлган.
Факт КБР МКЖ АДСке катталып, чогултулган материалдар Ош облусунун прокуратурасына өткөрүп берилди.
Пикир
Оставить комментарий