Бишкек, 16.01.19. /Кабар/. Ошто сарайда асынып алган өспүрүмдүн жансыз денеси табылган. Аталган маалыматты “Кабар” агенттигине Оштун милиция кызматынан тастыктап беришкен.
Маалыматка ылайык, 15-январь күнү милиция кызматына Жапалак айыл аймагына караштуу Гүлбар-Төлөйкөн айылында 13 жаштагы өспүрүмдүн жансыз денеси табылгандыгы тууралуу маалымат келип түшкөн.
“Баланын жансыз денеси сарайдан табылган. Денесинде жиптин издери бар. Ата-энеси билдиргендей, бала акыркы күндөрү “кара күчтөр” жөнүндө айтып жүргөн”, - деп берилет маалыматта.
Аталган факт Бирдиктүү кылмыштар реестринде катталган.
КРнын кылмыш кодексинин 136-беренеси (Өзүнө кол салууга жеткирүү) боюнча териштирүү иштери жүрүүдө.
Пикир
Оставить комментарий