Бишкек, 27.10.21. /Кабар/. Бүгүн, 27-октябрь күнү Ош облусундагы 9 ай аралыгында аткарылган жумуштар жана алдыда ишке ашырылуучу пландарды талкуулаган коллегиялык жыйын өттү. Бул тууралуу президенттин Ош облусундагы өкүлчүлүгүнүн басма сөз кызматы билдирет.
Иш-чарага КР президентинин Ош облусундагы ыйгарым укуктуу өкүлү Зиядин Жамалдинов, өкүлдүн орун басарлары, Ош облусундагы район акимдери, айыл өкмөт башчылары жана облустагы мекеме жетекчилери катышты.
Коллегиялык жыйында 2021-жылдын 9 айдын жыйынтыгы менен Ош облусунун аймагында аткарылган жумуштар тууралуу маалымат берилди. Ошондой эле көйгөйлүү маселелерди чечүү жана алдыда аткарылуучу жумуштар боюнча тапшырмалар берилди.
Коллегиялык жыйында каралган маселелер:
- Ош облусунун социалдык-экономикалык өнүгүүсүнүн 2021-жылдын III кварталынын жыйынтыгы жана 2021-жылдын IV кварталына милдеттер жөнүндө;
- Ош облусунун калкын, облустун аймагындагы мекеме ишканалардын күз-кыш мезгилине карата даярдыктарын көрүү боюнча;
- “Ош-Электро” ААКтын жүргүзүп жаткан ишмердүүлүгү.
Пикир
Оставить комментарий