Бишкек, 16.03.24. /Кабар/. Бүгүн Ак-Буура дарыясынын жээгине Ош шаарынын символу болгон мажүрүм тал көчөттөрү отургузулду.
Муниципалитеттен билдиришкендей, жалпысынан дарыянын боюна 300гө жакын мажүрүм тал көчөттөрүн эгүү болжолдонгон.
Ошондой эле Ош шаарынын мэриясы "Бир жарандан – бир дарак" аттуу жалпы шаардык акциясын баштады. Калаа тургундарын сүйүктүү шаарыбызды көрктөндүрүүгө жана жашылдандырууга активдүү катышууга чакырабыз.
Белгилей кетсек, 2024-жылы шаар аймагына 300 миңге жакын заманбап бак-дарактардын көчөттөрү отургузулат.
Пикир
Оставить комментарий