Бишкек, 21.05.22./Кабар/. Бүгүн, 21-майда, Ош шаарында өткөрүлгөн жалпы ишембиликке 10 миңден ашуун адам катышты. Бул тууралуу Ош шаардык мэриясынын маалымат кызматы билдирет.
Мекеме-ишканалардын, муниципалдык аймактык башкармалыктардын кызматкерлери, жашоочулар көп кабаттуу үйлөрдүн короолорун тазалап, бак-дарактарды актап-сырдоо, өсүп кеткен чөптөрдү оруу, короолорго гүл көчөттөрүн отургузуу, арыктарды тазалоо иштерин жүргүзүштү.
Чогултулган 1400 куб таштандылар “Ош-Тазалык” жана “Оштогу көрктөндүрүү жана жашылдандыруу чарба комбинаты” муниципалдык ишканаларынын атайын техникалары менен ташылып чыгарылды.
Пикир
Оставить комментарий