Бишкек, 18.09.23. /Кабар/. Ошто Daewoo Nexia үлгүсүндөгү автоунаанын айдоочусу жол жээгинде турган 9 жаштагы баланы сүзүп кеткен. Окуя 17-сентябрда Жапалак айылындагы Ташиев көчөсүндө катталган.
Ош шаардык милициясы боюнча Милициянын кайгуул кызматынан билдиришкендей, айдоочу үйүнүн жанында ойноп жаткан М.А. аттуу бала сүзүп, белгисиз тарапка кетип калган.
Издөө иш-чараларынын жүрүшүндө шектүүнүн өздүгү такталган. Ал Кара-Суу районунун 2001-жылы туулган К.К. аттуу тургуну болуп чыккан.
Автоунаа айып короосуна киргизилип, айдоочусу Тергөө кызматына жеткирилген.
Жабыркаган бала ооруканага жеткирилген, учурда абалы канааттандырарлык экендиги айтылды.
Пикир
Оставить комментарий