Бишкек, 17.12.23./Кабар/. Ош шаарынын Шакиров көчөсүндө жайгашкан кафедеги ири өрт толугу менен өчүрүлдү. Бул тууралуу ӨКМдин маалымат кызматы билдирет.
Алоолонгон жалынды өчүрүүгө жалпы 6 бөлүм, автошаты жана Кризистик кырдаалдарда башкаруу борборунун ыкчам тобу тартылган.
"Өрт өчүрүүчүлөрдүн күжүрмөн аракети менен тилсиз жоодон коңшу жайгашкан имараттар, үйлөр сакталып калды", — деп айтылат маалыматта.
Жабыркагандар жана каза болгондор жок.
Учурда кырсыктын келип чыгуу себептери жана материалдык чыгымдары такталууда.
Пикир
Оставить комментарий