Бишкек, 15.04.24. /Кабар/. Ошто милиция кызматкерлери "Ак-Жүрөк" кризистик борборунда үй-бүлөлүк зомбулукка кабылган аялдар жана балдардан кабар алышып, жарандык укуктары боюнча айтып беришти.
Ош шаардык милициясынан маалымдашкандай, жетекчи Д.Асилбекова милиция кызматкерлерин аталган борбордун абалы менен тааныштырды. Учурда бул жерде үй-бүлөлүк зордук-зомбулукка кабылган 6 аял жана алардын 5 баласы бар.
Ош шаардык ички иштер башкармалыгынын начальнигинин орун басары Акылбек Бекишов баштаган милиция кызматкерлери алардын жашоо-шарттары менен таанышып, жарандык укуктары боюнча айтып беришти.
"Кандайдыр бир укук бузууларга туш боло турган болсо тайманбастан, тартынбастан милиция органдарына токтоосуз кайрылуу зарыл", - деп белгиледи Бекишов.
Татаал тагдырга дуушар болуп, бул кризистик борбордо күн кечирип жатышкан аял-балдарга милиция кызматкерлери адабий окуу китептерин, шириндиктерди тапшырышты.
Пикир
Оставить комментарий