Бишкек, 21.02.22. /Кабар/. Ош облустук прокуратурасы тарабынан мыйзамсыз камакта кармоо фактысы аныкталды. Бул тууралуу Башкы прокуратуранын басма сөз кызматы билдирет.
Алсак, Ош облустук сотунун жооптуу кызматкерлеринин мыйзамсыз жана негизсиз аракеттеринен улам КР Конституциясынын 59-беренесинин талабы одоно түрдө бузулуп, И.Б. аттуу адам 4 күн мыйзамсыз камакта кармалган.
Аталган факты боюнча Ош облустук прокуратурасы тарабынан Кылмыш-жаза кодексинин 191-беренеси (“Мыйзамсыз камакка алуу же камакта кармоо”) менен кылмыш иши козголуп, учурда тергөө амалдары жүргүзүлүп жатат.
Пикир
Оставить комментарий