Бишкек, 19.10.18. /Кабар/. Ош гуманитардык педагогикалык институтунун залында тогуз коргоол боюнча Ош шаарынын мэринин Кубогу башталды. Мелдешке Кыргызстандын 7 облусунан, Бишкек, Ош шаарларынан 200дөн ашуун спортчулар катышууда. Мелдеш 17-октябрда старт алган.
Ош шаардык мэриясынын басма сөз кызматынан кабарлашкандай, спорттук мелдеш Аймактарды өнүктүрүү жылынын алкагында, улуттук спортту өнүктүрүү жана мыкты спортчуларды тандоо максатында өтүп жатат.
Мелдеш 22-октябрда жыйынтыкталат.
Жеңүүчүлөргө Ош шаардык дене тарбия жана спорт комитети тарабынан кубок, медалдар, дипломдор жана баалуу белектер тапшырылат.
Пикир
Оставить комментарий