Бишкек, 12.05.22. /Кабар/. Панфилов районунда сот тарабынан издөөдө жүргөн жаран кармалды. Бул тууралуу Чүй облустук милициясынын басма сөз кызматы билдирет.
Маалыматка ылайык, кечээ, 11-майда Панфилов райондук милициясынын кылмыш иликтөө кызматкерлери тарабынан көрүлгөн ыкчам-иликтөө иш-чараларынын жүрүшүндө сот тарабынан издөөдө жүргөн 1973-жылы туулган С.А. аттуу жарандын өздүгү такталып, колго түшүрүлгөн.
Ал 24-мартта Панфилов райондук сотунун чечими менен өзүм билемдик фактысы боюнча иштин материалдарынын негизинде соттук териштирүүгө келбегендигине байланыштуу издөөдө жүргөн.
Учурда кармалган жаран Панфилов РИИБнин убактылуу кармоочу жайына киргизилди.
Пикир
Оставить комментарий