Папан суу сактагычына чөгүп кеткен жаран изделүүдө

Бишкек, 15.08.18. /Кабар/. Папан суу сактагычына чөгүп кеткен 38 жаштагы жаран изделүүдө, - деп билдирет ӨКМдин басма сөз кызматы.

Маалыматка ылайык, кечээ, 14-августта болжол менен саат 22:13тө Ош облусунун Кара-Суу районунун Папан суу сактагычына бир жаран түшүп кеткендиги тууралуу маалымат түшкөн.

Учурда издөө иштери уланууда. Жалпысынан 14 куткаруучу тартылган.