Бишкек, 21.01.22. /Кабар/. Президент Садыр Жапаров «Кыргыз Республикасынын „Атаандаштык жөнүндө“ Мыйзамына өзгөртүүлөрдү киргизүү жөнүндө» Кыргыз Республикасынын мыйзамына кол койду. Бул тууралуу президенттин басма сөз кызматы билдирет.
Мыйзам Кыргыз Республикасынын Жогорку Кеңеши тарабынан 2021-жылдын 22-декабрында кабыл алынган.
Кабыл алынган мыйзам монополияга каршы жөнгө салууну жакшыртууга багытталган.
«Атаандаштык жөнүндө» мыйзамдын максаты — мамлекеттик ишканаларга артыкчылыктарды берүү жана катышуучулары алар менен аффилирленген жактар жана/же адамдардын тобу болуп саналган чарба жүргүзүүчү субъекттерди түзүү аркылуу товардык рыноктордо атаандаштыкты чектөөгө жана рынокту монополдоштурууга жол бербөө болу саналат. Бул ишкердикти өнүктүрүү үчүн жагымдуу шарттарды түзүүгө салым кошот. Ошондой эле атаандаштык жөнүндө мыйзамдарындагы майда бузууларга жол берген чарбакер субъекттерге жаза чараларын колдонууга жол бербөө максатында эскертүүчү институтту киргизүү каралат.
Пикир
Оставить комментарий